Tojikiston dar shaxri Isfara oliygoxi raxbari X.D. Abdulloev bilan xamkorlikda shartnoma imzolandi !

2025-yil 10-iyun kuni Dang‘ara tuman 1-son politexnikumi va Tojikiston Respublikasining Isfara shahrida joylashgan Oliy ta’lim muassasasi – Donishgohi Texnologii filiali o‘rtasida hamkorlik shartnomasi imzolandi. Tadbirda politexnikum rahbari Numanov Z. hamda Isfara oliygohi rahbari X.D. Abdulloev ishtirok etdilar. Ushbu shartnoma ikki davlat ta’lim muassasalari o‘rtasidagi do‘stona munosabatlarni yanada rivojlantirish, ilmiy-amaliy hamkorlikni kengaytirish hamda talaba va o‘qituvchilar uchun yangi imkoniyatlar yaratishni ko‘zda tutadi.

Shartnomaga muvofiq, tomonlar o‘quv jarayonida ilg‘or tajribalarni o‘zaro almashish, qo‘shma loyihalar ishlab chiqish, ilmiy konferensiyalar va seminarlarni o‘tkazish, shuningdek, talabalar almashinuvi dasturlarini yo‘lga qo‘yish masalalarida kelishib oldilar. Bundan tashqari, kasbiy ta’lim sifatini oshirish, zamonaviy texnologiyalarni joriy etish va hududiy ehtiyojlarga mos yangi ta’lim dasturlarini ishlab chiqishda hamkorlik qilish rejalashtirilmoqda.

Mazkur shartnoma imzolanishi Dang‘ara tuman 1-son politexnikumining xalqaro aloqalarini kengaytirishda muhim qadam bo‘lib, kelgusida nafaqat o‘quvchi va talabalar uchun, balki butun hududda kadrlar tayyorlash sifatini oshirishga xizmat qiladi.