Dang‘ara tuman 1-son Politexnikumida “Besh tashabbus olimpiadasi” doirasida shashka musobaqasi o‘tkazildi !

2025-yil 27-sentabr kuni Dang‘ara tuman 1-son Politexnikumida “Besh tashabbus olimpiadasi” doirasida shashka turi bo‘yicha musobaqalar o‘tkazildi. Tadbir politexnikum o‘quvchilari o‘rtasida sog‘lom turmush tarzini targ‘ib qilish, ularning bo‘sh vaqtini mazmunli tashkil etish hamda mantiqiy fikrlash qobiliyatini rivojlantirish maqsadida tashkil etildi.

Musobaqa guruhlar kesimida o‘tkazilib, har bir ishtirokchi o‘z jamoasining faxrini himoya qildi. Shashka o‘yini davomida talabalar o‘zining zukkoligi, sabr-toqati va strategik fikrlash qobiliyatlarini namoyon etishdi. Tadbir jarayonida sog‘lom raqobat, do‘stona muhit va jamoaviy birdamlik alohida sezildi.

Musobaqa yakunida eng yaxshi natija ko‘rsatgan o‘quvchilar diplom va esdalik sovg‘alari bilan taqdirlandilar. G‘oliblar keyingi bosqichda politexnikum nomidan ishtirok etish huquqiga ega bo‘ldilar.

Tadbir so‘ngida tashkilotchilar tomonidan “Besh tashabbus” loyihasining ahamiyati, uning yoshlar hayotidagi o‘rni haqida so‘z yuritilib, bunday sport va madaniy tadbirlar o‘quvchilarda faollik, do‘stlik va sog‘lom raqobat ruhini mustahkamlashi ta’kidlandi.

Mazkur musobaqa Dang‘ara tuman 1-son Politexnikumida o‘quvchilar o‘rtasida sog‘lom turmush tarzi, ijobiy muhit va faol hayot tarzini shakllantirish yo‘lida muhim qadam bo‘ldi.